Aangebied deur die Sentrum vir Voorgraadse Beurse en Lenings (SVBL), die Funding 101-inligtingsessies (slegs in Engels) is ʼn geleentheid om kennis te verwerf wat jou sal help om jou jaar se finansiële omstandighede te bestuur – ’n stap in die rigting na finansiële selfbemagtiging. Onderwerpe wissel van US-befondsing tot NSFAS en studielenings. Ons sal ook die huurooreenkomsprotokol, toelae en uitbetalings, asook administrasievereistes (NSFAS-toestemmingsvorms en die appèlproses) dek.
Alle beursbefondsde voorgraadse studente word aangemoedig om dit by te woon – veral diegene wat aansoek gedoen het om of reeds befonds word deur die Universiteit Stellenbosch, SETA, Funza Lushaka, NSFAS, of ander.
HOEKOM Funding 101: Maklike stappe om jou finansiële omstandighede te bestuur
WAT ’n 50-minute-inligtingsessie: 2 per dag
WANNEER Woensdag, 14 tot Vrydag, 16 Februarie 2024
WAAR Stellenboschkampus – verskeie lesingslokale
HOE Gaan na jou e-posbus. Vind Funding 101 e-pos. Klik op die skakel. Bespreek jou plek.
Kies asseblief een Funding 101-inligtingsessie (eerstejaar- of seniorjaartydgleuf) om jou bywoning te bevestig. Aangesien daar beperkte sitplek is (250 per sessie), kan jy kies om die sessie in persoon of aanlyn via Teams by te woon. Besprekings open Vrydag 9 Februarie 2024.
Neem asseblief kennis dat die Teams aanlyn-vergaderingsessieskakels op Maandag, 12 Februarie 2024 per e-pos gestuur sal word.
DOWNLOAD Info session presentation in pdf format (please note it’s 3MB): FUNDING101-summary