Alle aansoekers sal ’n aansoek-ID ontvang. Dit is ’n unieke ID-nommer wat jymoet gebruik om jou aansoek te bestuur voordat jy as ’n student registreer. Hou tred met jou aansoekstatus op die aansoekerportaal of op www.maties.com > Aansoek > Aansoekerportaal.

Alle aansoekers sal ook ’n studentenommer ontvang. Gebruik dit vir toegang tot die ander platforms van die Universiteit Stellenbosch terwyl jy nog ’n voornemende student is. Sodra jy ’n aanbod aanvaar het, kan jy ook jou studentenommer gebruik om beursaansoeke in te dien of tred te hou met jou koshuisaansoek.

Met ander woorde, jou studentenommer vervang NIE jou aansoek-ID nie. Jou studentenommer waarborg ook NIE dat jy tot ’n program toegelaat sal word of mag registreer nie. Sluit asseblief jou aansoek-ID sowel as jou studentenommer in by ál jou kommunikasie met die Sentrum vir Studente-administrasie en die Kliëntedienssentrum.

The policy standard applies to:

Die aansoekerportaal kan jy jou aansoek indien en dophou en joutoelatingstatus nagaan.

Die studenteportaal is wat jy sal gebruik nadat jy as ’n student by die Universiteit Stellenbosch geregistreer het en om as voornemende student aansoeke om finansiële bystand (US-befondsing) in te dien en jou koshuisaansoek te moniteer.

Gebruik jou studentenommer om toegang tot die studenteportaal op my.sun tekry, waar jy beursaansoeke kan indien en die status van jou koshuisaansoek kan nagaan. Let asseblief daarop dat jy eers om ’n beurs sal kan aansoek doen nadat jy ’n aanbod van die Universiteit ontvang het.

US finansieringsaansoeke heropen slegs 16 – 31 Oktober* 2023.

*Laat toelatings sal van geval tot geval hanteer word

Alle studie-aansoekers wat Suid-Afrikaanse burgers is en ’n voorwaardelike offinale aanbod van die Universiteit Stellenbosch ontvang het, kan aansoek doen.

Aangesien die Universiteit se finansiële hulpbronne beperk is, word beurse toegeken op grond van finansiële behoefte (huishoudelike finansiële omstandighede) en akademiese meriete (die aansoeker se potensiaal om suksesvol te studeer).

Ons bied ’n wye verskeidenheid beurse. Vir die besonderhede, raadpleeg die Beursjaarboek en die skakel Soorte befondsing op die webblad van die Sentrum vir Voorgraadse Beurse en Lenings (SVBL).

Jy moet verskeie stawende dokumente voorsien as jy by die Universiteit Stellenbosch om US-befondsing aansoek doen. Vir ’n samevatting van die stawende dokumente wat jy na gelang van jou persoonlike, gesins- en finansiële omstandighede moet indien, raadpleeg die tabel hier onder.

Alle dokumente wat as bewys van inkomste ingedien word, sal deur ’n derde party geverifieer word.

Sodra jy as voornemende student jou voorwaardelike of finale aanbod aanvaar het, sal jy ’n e-pos van die Sentrum vir Voorgraadse Beurse en Lenings (SVBL) ontvang met die besonderhede van hoe jy om US-befondsing kan aansoek doen.

Alle aansoeke sal ná die sluitingsdatum oorweeg word. Aansoekers om die Universiteit Stellenbosch se eie beurse sal teen die einde-Februarie van die uitslag in kennis gestel word. Die bekendmakingsdatums vir beurse wat deur US eksterne skenkers beskikbaar gestel word, kan wissel. Nietemin behoort die meeste teen die einde-Mei toegeken te word.

NSFAS finansier nuwelingstudente (FTEN) wat vir die eerste keer aan ’n openbare universiteit studeer.

Alle aansoekers uit ‘n huis met ’n bruto huishoudelike inkomste (HHI; totale inkomste voor belasting en aftrekkings) van minder as R350 000 per jaar kan vir ’n beurs van NSFAS oorweeg word; vir ‘n student wat met ‘n gestremdheid leef, moet die HHI onder R600 000 per jaar (R50 000 per maand) wees. Jy kan jou NSFAS-aansoek by www.nsfas.org.za indien. Ons beveel aan dat jy die amptelike NSFAS-webtuiste gereeld vir aankondigings en nuus nagaan.

Die Universiteit Stellenbosch bestuur nie die aansoek- of keuringsproses vir NSFAS nie. Ons help administreer slegs beursuitbetalings aan suksesvolle aansoekers in opdrag van die regering.

Alle voornemende studente wat vir NSFAS-befondsing aansoek doen moet ook by US-Befondsingsgeleenthede aansoek doen. Die student word dan op die SVBL-databasis geregistreer, wat verseker dat jy vir gapingsbefondsing (koste wat nie deur NSFAS-toelaes gedek word nie) van die Universiteit oorweeg word. Gapingsbefondsing sult aanvullings-, tekort-, nood-, en/of gegradueerde skuldbefondsing in en dit poog om die finansiële gapings wat nie deur NSFAS gedek word nie, te oorbrug. BELANGRIKE KENNISGEWING Die Universiteit het beperkte fondse beskikbaar. ’n Aansoek om befondsing is nie ’n waarborg dat befondsing toegestaan sal word nie.

Kontak gerus ons Kliëntedienssentrum by 021 808 9111 of info@sun.ac.za. As jy ‘n e-pos stuur, onthou om jou studentenommer by die onderwerpreël in te sluit, by voorbeeld, # / 2024 US-befondsingnavraag.