Beurs befondsing opsies
Finansiële behoefte behoort nie ’n voornemende student te verhinder om aan die Universiteit in te skryf nie
Finansiële behoefte behoort nie ’n voornemende student te verhinder om aan die Universiteit in te skryf nie
Die Universiteit Stellenbosch (US) glo dat elke student wat die potensiaal het om akademies suksesvol te wees, sover moontlik die geleentheid daartoe moet kry. Daarom probeer die US om diegene wat as studente tot die Universiteit toegelaat word, maar ’n gebrek aan finansiële middele het, sover moontlik te ondersteun.
Die Universiteit is terdeë bewus van die finansiële behoefte by sy studente. Ongelukkig het die Universiteit egter beperkte fondse tot sy beskikking nie. Studente word aangemoedig om nie slegs op finansiële ondersteuning van die Universiteit aanspraak maak nie, maar om ook ander, eksterne (privaat; maatskappy; staat) befondsingsgeleenthede te ondersoek. Die feit dat 'n student om 'n US-beurs of -befondsing aansoek gedoen het, is geen waarborg dat sodanige befondsing aan hulle toegeken sal word nie.
Die Universiteit verleen twee vertroubare vorme van finansiële ondersteuning waarop studente kan reken, naamlik toekennings vir uitnemendheid en die hoogs voordelige “drie kinders”-korting. Hierdie toekennings en kortings word op meriete toegeken en oorweeg nie finansiële behoefte as ’n kriterium vir kwalifisering nie.
Voornemende studente (met voorlopige toelating tot ’n studieprogram; dit beteken dat jy ’n unieke 8-syfer US-studentenommer het) en huidige voorgraadse studente kan aansoek om finansiële hulp doen. Jy moet ook ’n Suid-Afrikaanse burger wees, of permanente verblyfstatus hê.
NGOS- en PG LLB-studente kan aansoek doen vir voorgraadse US-befondsing, maar let asseblief daarop dat die befondsing en beskikbare beurse vir hierdie studieprogramme uiters beperk is. Hierdie studente word dus versoek om ook privaat eksterne befondsingopsies te oorweeg. Die Nie-US-befongsingskategorie is ‘n goeie beginpunt vir navorsingsopsies.
NAGRAADSE FINANSIERING Besoek asseblief die Nagraadse Kantoor -webwerf.
Elke student aan die Universiteit Stellenbosch is dus in die eerste en laaste instansie self verantwoordelik om finansiële voorsiening te maak vir die vereffening van hulle Studentegelderekening.
US-befondsing
Voornemende en huidige voorgraadse studente kwalifiseer vir US- finansiële ondersteuning op grond van twee hoofkriteria: finansiële behoefte en akademiese meriete
Studente ontvang finansiële hulp, ongeag hulle ras en geslag, in direkte verhouding tot die omvang van hulle finansiële behoefte soos bepaal deur die dokumentasie oor finansiële omstandighede wat ingedien en deur ’n derde party geverifieer word. Neem asseblief kennis dat US-befondsing meestal slegs gedeeltelike koste is, met toekennings wat in waarde verskil, en daarom word volkostebefondsing nie gewaarborg nie.
SVBL bestuur en administreer ook verskeie beurse namens eksterne skenkers volgens spesifieke kwalifiserende kriteria; daar is ook gesinsbeurse beskikbaar vir studente wat bewyse van afstamming het. Die Beursjaarboek bykomende befondsingsgeleenthede vir die komende akademiese jaar word per fakulteit gelys.
US-Befondsingsgeleenthede vir Voorgraadse studente (SUFO) Alle voorgraadse studente word aangemoeding om jaarliks aansoek te doen om vir US-befondsing te kwalifiseer. Dit beteken dat jy op die SVBL finansiële hulpdatabank geregistreer sal wees en dan oorweeg kan word vir enige geskikte befondsing vir ‘n komende akademiese jaar. Die aansoekproses is aanlyn en jy sal na ‘n veilige webwerf gelei word om die aansoek te voltooi. Ons beveel aan dat jy eers die Aansoekproses -oortjie nagaan om jou ondersteuningsdokumente voor te berei, voordat jy op ‘Doen nou Aansoek’ klik.
Merietetoekennings Die US bied ook merietetoekennings (Voorgraadse Toekennings vir Uitnemendheid for eerste-jaar student en die Senior Merietebeurs vir senior-jaar studente) vir jaar-tot-jaar- akademiese prestasie aan.
Sportbeurs Verskeie spesiale beurse is beskikbaar vir diegene wat op ‘n provinsiale of ‘n nasionale vlak sport presteer het.
US- eksterne skenkerbefondsing
Die US ontvang eksterne skenkerbefondsing wat vir beurse geoormerk is
Die SVBL bestuur en administreer hierdie beurse namens eksterne skenkers en volgens spesifieke finansiële behoefte, akademiese en/of ander kwalifiserende kriteria.
Die kriteria vir US eksterne skenkerbeurse verskil, so gaan dit asseblief na om te bepaal of jy kwalifiseer. Jy moet ’n unieke aansoekvorm voltooi om oorweeg te word. Die aansoek vorm deel van die US-Befondsingsgeleenthede vir Voorgraadse Studente (SUFO) aanlynproses en jy sal na ’n veilige webwerf geneem word om die aansoekvorm te voltooi.
Ons beveel aan dat jy eers die Aansoekproses -oortjie nagaan om jou ondersteuningsdokumente voor te berei, voordat jy op ‘Doen nou Aansoek’ klik.
Befondsing vir die Fakulteit Geneeskunde en Gesondheidswetenskappe
Die Sentrum vir Studenteadministrasie (SSA) en die SVBL-beursbeamptes op die Tygerberg-kampus (Kliniese gebou) verleen hulp aan FGGW-studente.
SSA is daarop toegespits om ’n omvattende diens aan voornemende en huidige studente aan die Fakulteit Geneeskunde en Gesondheidswetenskappe (FGGW) te lewer wat die administrasie van voorgraadse beurse insluit. Kyk hier na die befondsingsopsies wat beskikbaar is vir FGGW- voorgraadse studente.
SVBL-beursbeamptes kan hulp aan FGGW-studente verleen met betrekking tot US-befondsing, eksterne skenkerbeurse of nie-US-befondsing, maar enige NSFAS-verwante navrae moet aan die US-kampushulptoonbank by nsfas@sun.ac.za. Die US-befondsingaansoekproses vind aanlyn plaas en jy sal na ’n veilige webwerf geneem word om die aansoekvorm te voltooi. Ons beveel aan dat jy eers die Aansoekproses -oortjie nagaan om jou ondersteuningsdokumente voor te berei, voordat jy op ‘Doen nou Aansoek’ klik.
SA Staatsbefondsing
Die Suid-Afrikaanse regering bied opsies vir tersiêre befondsing aan voornemende universiteitstudente wat aan die minimum kiesbaarheidskriteria voldoen.
Die minimum kiesbaarheidskriteria is dat:
- die student ’n Suid-Afrikaanse burger is, of permanenteverblyfstatus het
- die student tans in graad 12 is en tot dusver goeie akademiese uitslae behaal het, of graad 12 met goeie akademiese uitslae geslaag het
Aansoek word direk by die staat gedoen en sluitingsdatums verskil, so maak asseblief seker dat jy die instruksies presies volg en voor die sperdatum aansoek doen.
Neem asseblief kennis dat die Universiteit Stellenbosch nie die aansoekproses of die keuringsproses vir enige staatsbefondsing bestuur nie. Dit help slegs met die administrasie van beursuitbetalings aan suksesvolle ontvangers onder opdrag van die staatsagentskap.
Alle studente wat om NSFAS aansoek gedoen het of wat tans deur NSFAS befonds word, moet ook jaarliks aansoek om Universiteit Stellenbosch-Befondsingsgeleenthede (SUFO)* doen. Die student word dan op die SVBL se databasis vir finansiële bystand geregistreer, waarna hulle vir aanvullende befondsing (om finansiële gapings te oorbrug wat nie deur NSFAS-toelaes gedek word nie) oorweeg kan word. Hierdie US-befondsing sluit nood- en/of studenteskuldbefondsing in. Die SUFO-aansoekproses vind aanlyn plaas. Jy sal na ’n veilige webwerf geneem word om die aansoekvorm te voltooi. Vir instruksies oor hoe om aansoek te doen, beveel ons aan dat jy die SUFO How to apply (slegs in Engels) pdf-boekie nagaan en jou ondersteuningsdokumente bymekaarmaak. Kliek dan op “Doen nou aansoek”.
BELANGRIKE KENNISGEWING *Die Universiteit het beperkte fondse beskikbaar; ’n aansoek om US-befondsing is nie ’n waarborg dat befondsing toegeken sal word nie.
Nie-US-befondsing
Daar is alternatiewe befondsingsopsies wat studente kan verken – van skarefinansiering tot beurse wat privaat maatskappye aanbied in ruil daarvoor dat jy vir ’n sekere tydperk vir hulle werk nadat jy jou studies voltooi het.
Geskiktheidskriteria sluit dalk nie noodwendig finansiële behoefte in nie, en aangesien die aansoekdatums ook verskil, maak asseblief seker dat jy jou opsies ondersoek en betyds aansoek doen.
Die Universiteit Stellenbosch het beperkte fondse beskikbaar en aansoek om US-befondsing is nie 'n waarborg dat 'n student 'n toekenning sal ontvang nie. Alle voornemende en huidige voorgraadse studente word aangemoedig om alle beskikbare finansiële bystandsweë te volg en die filterlys sluit opsies en hulpbronne as 'n goeie beginpunt in.
Filter lysUS-befondsing
Beursjaarboek
In die Beursjaarboek kan jy ’n lys van beurse en fondse vind wat deur die US bestuur word, asook beurse en fondse wat deur privaat maatskappye, trusts en die staat aangebied word. Hierdie beurse en fondse word volgens fakulteit gegroepeer, maar ons stel voor dat jy ongeag jou studieprogram al die inskrywings in Afdeling 1 (studiebeurse vir die meeste van die fakulteite) en Afdeling 3 (Fakulteit Natuurwetenskappe) nagaan. Enige beurs wat oor meer as een fakulteit aangebied word, kom moontlik slegs onder die Fakulteit Natuurwetenskappe voor. Neem asseblief kennis van die verskillende sluitingsdatums en aansoekprosesse.
All listings that state ‘Applications: SUFO’ mean you need to apply via the US-Befondsingsgeleenthede- -webwerf moet doen.
LET WEL Die 2025-Beursjaarboek sal vroeg-Julie 2024 gepubliseer word.
SUFO-aansoeke vir HUIDIGE STUDENTS open 1 Julie en sluit middernag 30 September 2024
SUFO-aansoeke vir VOORNEEMENDE STUDENTE open slegs 1 – 31 Oktober 2024.
US-befondsing
Beursjaarboek: FGGW
Die Beursjaarboek is ’n omvattende lys van finansiële hulp wat vir die akademiese jaar beskikbaar is.
Beurse word volgens fakulteit gegroepeer en sluit US-befondsing in. Beurse vir die meeste fakulteite kan op bladsy 7–16 (pdf 14–23) gevind word en dié spesifiek vir FGGW- voorgraadse studente op bladsy 46–48 (pdf 53–55).
FGGW-BEFONDSING
FGGW iThemba-beursfonds
As deel van die Fakulteit Geneeskunde en Gesondheidswetenskappe (FGGW) se volgehoue strewe om sy waardes, visie en missie te verwesenlik, bevorder die fakulteit aktief toegang tot gehalte opvoeding en werk die fakulteit hard om studentesukses te verseker. Die FGGW iThemba-beursfonds is in 2015 geskep ten bate van studente wat alle ander opsies om hulle studies te befonds, uitgeput het.
Die FGGW het beperkte befondsing vir 2023 beskikbaar vir TygerMatie voorgraadse studente in finansiële nood.
Let asseblief op die volgende belangrike punte oor die beursfonds:
- Toekennings word deur finansiële behoefte en aan studente toegeken wat alle ander beskikbare befondsingsopsies uitgeput het
- Aansoekers moet bewys lewer dat hulle nie gekwalifiseer of toegang gehad het tot enige ander fondse, beurse en/of lenings nie
- Nie-SA burgers sal oorweeg word
- Voorgraadse studente in hulle finale jaar en MBChB-studente in hulle vyfde jaar sal nie vir hierdie beursfonds oorweeg word nie indien hulle nie kan bewys dat hulle gebruik gemaak het van alle beskikbare befondsingsopsies (bv. ’n gesekureerde Standard Bank lening) of dit oorskry het nie
- Die Universiteit behou die reg om die geldigheid van alle inligting te bepaal en die aansoek en/of beurstoekenning te kanselleer indien vals inligting voorsien is
- Toekennings beloop tot ’n maksimum van R50 000 en is slegs geldig vir die 2023 akademiese jaar (toekennings wat hierdie bedrag oortref, kan onder buitengewone omstandighede en op grond van meriete van geval tot geval gemaak word)
- Die Universiteit behou die reg om die iThemba-toekenning terug te trek indien daar gedurende die jaar ander fondse aan ’n ontvanger toegeken word wat alle studieverwante uitgawes dek
- Die iThemba-toekenning mag nie vir historiese studieverwante skuld gebruik word nie
Hoe om aansoek te doen
Stap 1 Laai die aansoekvorm af en voltooi dit.
Stap 2 Kry al die nodige ondersteuningsdokumente bymekaar wat op die aansoekvorm aangedui word. Stoor al hierdie dokumente in een PDF-lêer. Gebruik asseblief jou US# as ’n voorvoegsel wanneer jy die lêer benoem, bv. ‘12345678-iThemba’.
Stap 3 Daar is twee maniere om jou aansoek in te dien:
E-pos jou aansoek na tygbursaries@sun.ac.za. Onthou om jou US# in die onderwerpreël aan te dui, bv. ‘US# / iThemba-aansoek’ en maak seker dat jy die aansoekvorm en die ondersteuningsdokument in pdf-formaat aangeheg het; oop (slegs in Engels beskikbaar) of
Hand aflewering Plaas jou gedrukte aansoek en ondersteuningsdokumente in ’n duidelik gemerkte koevert en lewer dit per hand af by die Beurskantoor, Kamer 1043, Kliniese Gebou, Tygerbergkampus.
Aansoeke het op 22 Maart 2023 gesluit. Geen laat aansoeke sal oorweeg word nie.
US-befondsing
Merietetoekennings
Die Universiteit Stellenbosch ken beurse toe waar akademiese meriete die primêre oorweging is op grond van die finale gepubliseerde graad 12 (matriek) uitslae vir eerstejaarstudente en die jongste eksamenuitslae vir senior studente.
Die Eerstejaarmerietebeurs is in 2023 gestaak en vervang met die nuwe voorgraadse toekennings vir uitnemendheid (UGEA). Die Eerstejaarmerietebeurs is vir die laaste keer in 2023 toegeken om binne dieselfde jaar na die nuwe UGEAs oor te skakel.
Voorgraadse toekennings vir uitnemendheid (vir eerstejaarstudente)
Daar is vier kategorieë van voorgraadse toekennings vir uitnemendheid vir eerstejaarstudente. Hierdie toekennings word uitsluitlik op grond van skolastiese of akademiese prestasie toegeken. Aangesien dit nie op finansiële behoefte gegrond is nie, is daar is geen aansoekproses nie: die finale graad 12-uitslae word outomaties deur ’n rekenaar saamgestel en ontvangers word volgens die akademiese kriteria per merietetoekenningskategorie geïdentifiseer.
Senior Merietetoekenning (vir seniorjaarstudente)
Hierdie akademiesemerietetoekenning is vir senior voorgraadse studente van hulle tweede tot finale* studiejaar. Hierdie beurs word uitsluitlik op grond van skolastiese of akademiese prestasie toegeken. Daar is geen aansoekproses nie aangesien die vorige jaar se finale uitslae outomaties deur rekenaar saamgestel word en ontvangers volgens die vasgestelde akademiese kriteria geïdentifiseer word.
*Neem asseblief kennis dat die toekenning nie terugwerkend toegestaan kan word sodra ‘n student gegradueer het nie, dit wil sê, geen toekenning sal gemaak word op grond van ‘n student se finalejaar voorgraadse resultate nie. Die laaste geleentheid om die Senior Merietetoekenning toegeken te word, is gebaseer op ‘n student se voorlaaste voorgraadse jaareinduitslae
Belangrike bykomende aantekeninge: Toekennings vir uitnemendheid en Senior Merietetoekenning
Hierdie afdeling sluit ook gelde in wat uitbetaal kan word, en waarom ʼn toekenning gekanselleer of verminder kan word.
US-befondsing
Werwingsbeurs
Die werwingsbeurs is vanaf 2023 nie aan enige eerstejaarstudente toegeken nie. Huidige beursontvangers sal steeds ondersteun word.
US-befondsing
Sportbeurs
Verskeie spesiale beurse is beskikbaar vir diegene wat op ’n provinsiale of ’n nasionale vlak in sport presteer het. Stuur asseblief ’n e-pos aan Maties Sport by matiessport@sun.ac.za of skakel 021 808 4642 vir meer besonderhede oor die dokumente wat jy benodig om jou prestasie te staaf. Kyk hier na die sportkodes.
Hierdie beurse word nie deur die SVBL toegeken of geadministreer nie en verskyn dus nie op die Beursjaarboek nie.
US-eksterne skenkerbefondsing
Dippenaar-familietrust (slegs EBW-studente)
’n Familiebeurstrust bou nie net ’n blywende ondersteuningsbasis nie, maar bou ook die land. Dit het Laurie en Estelle Dippenaar besef toe hulle die Dippenaar-familiebeurstrust tot stand gebring het. Die Dippenaars het oor die afgelope 20 jaar meer as 350 studente van die Universiteit Stellenbosch op hulle pad na sukses, deur hierdie familiebeurstrust, gehelp.
Die Dippenaar-familiebeurstrust ondersteun jaarliks tussen 15 tot 20 studente en stel hierdie studente in staat om op hulle studies te fokus, sonder die stres dat hulle moontlik moet opskop weens ’n gebrek aan befondsing. Die meeste van hulle beursontvangers is eerstegenerasie-universiteitstudente wat nie die finansiële hulpbronne tot hulle beskikking het om hierdie groot stap te neem nie. Een van hierdie studente, Siyabonga Ndlovu, het BCom Bestuurswetenskap studeer en wil graag wyses vind om ware korporatiewe sosiale waarde in sy toekomstige loopbaan te skep. Sonder die ondersteuning van die Dippenaar-familietrust sou sy droom van sosiale entrepeneurskap onbereikbaar wees.
“Wanneer ’n student weet dat hulle studies ten volle gedek is, en dat daar geen gaping in befondsing of tekorte is waarvoor hulle self voorsiening moet maak nie, het hulle dikwels meer selfvertroue wat hulle aanspoor om te kan fokus op dit wat nodig is om die uitdagings van ’n moeilike akademiese jaar die hoof te bied," sê Arrie Hanekom, gewese hoof van SVBL.
Hierdie beurs is slegs vir voorgraadse studente aan die Fakulteit Ekonomiese en Bestuurswetenskappe met ’n gemiddeld van 60%. Die waarde van die beurs word deur ’n keuringspaneel bepaal wat aansoekers se finansiële behoefte en akademiese potensiaal in ag neem; die waarde wissel tussen R20 000 en R50 000 per jaar.
Laai af en voltooi die unieke aansoekvorm: FORM DIPPENAAR-CUG (vir huidige studente) of FORM DIPPENAAR-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Doris Crossley-beurs
Die Harry & Doris Crossley-stigtings is privaat befondsers of skenkingsorganisasies in Kaapstad wat op tersiêre onderrig en navorsing fokus. Mnr. en mev. Crossley het die voordeel van beide tersiêre onderrig en navorsing gesien, en albei het feitlik hulle hele onafhanklike boedels vir die vorming van hulle individuele stigtings agtergelaat. Jy kan hier oor die stigting lees.
Politieke en godsdienstige studies is die enigste studierigtings wat kragtens die bepalings van die akte van befondsing uitgesluit is.
Laai af en voltooi die unieke aansoekvorm: FORM DORIS CROSSLEY-CUG (vir huidige studente) of FORM DORIS CROSSLEY-PUG (vir voornemende studente). Onthou om die twee (2) verwysingsbriewe in te sluit om jou aansoek te ondersteun. Jy sal in die SUFO-aanlyn aansoek gevra word om hierdie dokumente op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Du Toit Hugenote-beurs
Hierdie beurs word hoofsaaklik op grond van finansiële behoefte, akademiese prestasie en leierskappotensiaal toegeken. Alle kandidate moet twee van die modules in hulle program in Afrikaansstudeer. As alle ander faktore gelyk is, geniet kandidate van Hugenote-afkoms voorkeur.
Laai af en voltooi die unieke aansoekvorm: FORM DU TOIT HUGENOTE-CUG (vir huidige studente) of FORM DU TOIT HUGENOTE-PUG (vir voornemende studente). Onthou om jou motiveringsbrief in te sluit om jou aansoek te ondersteun. Jy sal in die SUFO-aanlyn aansoek gevra word om hierdie dokumente op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
DW Ackermann (slegs Ingenieurwesestudente)
Die DW Ackermann-beursfonds is slegs oop vir voorgraadse Ingenieurstudente wat aan die volgende kiesbaarheidskriteria moet voldoen om vir ’n toekenning oorweeg te word:
- Studierigting Die student is voorlopig aanvaar om enige graadprogram wat deur die Fakulteit Ingenieurswese aangebied word, te studeer
- Akademiese meriete Die student behaal ’n gemiddeld van ten minste 75% (Lewensoriëntering uitgesluit) in hulle finale graad 12-uitslae, en 75% vir Wiskunde en 70% vir Fisiese Wetenskappe en 75% for Mathematics en 70% for Physical Science
- Finansiële behoefte Die student kom uit ’n huis met ’n bruto huishoudelike inkomste van hoogstens R600 000 per jaar (R50 000 per maand)
Die waarde van die beurs word deur ’n keuringspaneel bepaal wat die finansiële behoefte en akademiese potensiaal van kandidate in ag neem. Voortsetting van die beurs is afhanklik van akademiese prestasie soos deur die DW Ackermann-beursfondskomitee bepaal.
Laai af en voltooi die unieke aansoekvorm: FORM DW ACKERMAN-CUG (vir huidige studente) of FORM DW ACKERMANN-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
Belangrike nota NSFAS-befondsde studente en US-Internasionale studente (SUI) van die Fakulteit Ingenieurswese kwalifiseer en word aangemoedig om aansoek te doen. Neem asseblief kennis dat slegs SUI-ingenieurstudente per e-pos aansoek kan doen; SVBL sal SUI studente e-pos met instruksies.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Jannie Mouton
Beurse word op grond van finansiële behoefte en akademiese meriete toegeken. Die waarde van die toekenning wissel. Alle studente kan aansoek doen.
Laai af en voltooi die unieke aansoekvorm: FORM JANNIE MOUTON-CUG (vir huidige studente) of FORM JANNIE MOUTON-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Piet Neethling Opvoedkundige-trustbeurs (slegs FGGW- en AgriWetenskappestudente)
Hierdie beurs versoek inligting oor leierskapsposisies op skool, besonderhede oor deelname aan skoolsport, kulturele aktiwiteite, stokperdjies en ander belangstellings, redes vir jou studiekeuse en enige ander inligting wat jy wil verskaf om jou aansoek om finansiële bystand te motiveer.
Toelatingskriteria Die student moet in óf die FGGW óf die AgriWetenskappe fakulteit geregistreer wees; en die huistaal moet Afrikaans wees.
Laai af en voltooi die unieke aansoekvorm: FORM PIET NEETHING-CUG (vir huidige studente) of FORM PIET NEETHLING-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
PSG
Beurse word op grond van finansiële behoefte en akademiese meriete toegeken. Die waarde van die toekenning wissel. Alle studente kan aansoek doen.
Laai af en voltooi die unieke aansoekvorm: FORM PSG -CUG (vir huidige studente) of FORM PSG-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Rodney Africa (slegs Regsgeleerdheidstudente)
Wie kwalifiseer? Studente wat vir ’n regsgraad studeer; voorgraadse Kleurling en Swart studente; voorkeur word gegee aan alumni van Hoërskool Lückhoff en/of studente uit die Stellenbosch-omgewing. ’n Beurs word jaarliks deur mnr. Rodney Africa, ’n US-alumnus, toegeken.
Laai af en voltooi die unieke aansoekvorm: FORM RODNEY AFRICA-CUG (vir huidige studente) of FORM RODNEY AFRICA-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
US-eksterne skenkerbefondsing
Sheila Brand-beurs
Die volgende kriteria – in geen volgorde van voorkeur nie en volgens die uitsluitlike goeddunke van die fonds – sal in ag geneem word by die toekenning van beurse:
- Finansiële behoefte (hetsy ten opsigte van die hele of ’n gedeelte van die studiebehoeftes vir ’n akademiese jaar)
- Akademiese meriete
- Prestasie in leierskap, sport, kultuur en gemeenskapsdiens
In die geval van ’n konflik tussen die Afrikaanse en Engelse weergawes van die aansoekvorm, sal die Engelse weergawe voorkeur geniet. Hierdie beurs mag nie sonder die toestemming van die trustees gelyktydig met ander studiebeurse of toekennings gehou word nie. Alle aansoekers moet beskikbaar wees vir ’n persoonlike onderhoud met die trustees, op hulle eie onkoste, indien dit versoek sou word.
Laai af en voltooi FORM SHEILA BRAND (vir huidige students). Jy sal in die SUFO-aanlyn aansoek gevra word om hierdie dokument op te laai. Hierdie beurs is nie beskikbaar vir voornemende studente nie.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
US-eksterne skenkerbefondsing
Vlakte-beurs
Vorige inwoners en afstammelinge (kinders en kleinkinders) van diegene wat in “Die Vlakte” op Stellenbosch gewoon het en in die 1960’s gedwing is om te verhuis, kan vir hierdie beurs aansoek doen. Die Vlakte-gebied word deur Muller-, Ryneveld-, Banghoek-, Smuts-, Merriman- en Birdstraat begrens. Jy kan meer oor hierdie beurs hier.
Laai af en voltooi die unieke aansoekvorm: FORM VLAKTE-CUG (vir huidige studente) of FORM VLAKTE-PUG (vir voornemende studente). Jy sal in die SUFO-aanlyn aansoek gevra word om hierdie dokument op te laai.
SUFO-aansoeke vir HUIDIGE STUDENTE open 1 Julie 2024 en sluit 30 September 2024.
SUFO-aansoeke vir VOORNEMENDE STUDENTS open slegs 1 – 30 Oktober 2024.
SA Staatsbefondsing
COID-(Vergoedingsfonds-)beursskema
Voorgraadse studente word genooi om aansoek te doen om die Vergoedingsfondsbeursskema (COID) van die SA regering se departement van indiensneming en arbeid.
Hierdie beurs dek klasgelde, voorgeskrewe studiemateriaal, ’n maandelikse toelae en verblyf. Die toekenning kan elke jaar hernu word – vir die duur van die ingeskrewe studieprogram – na gelang van die beskikbaarheid van fondse en akademiese prestasie.
Maak asseblief eers seker of jy aan die kiesbaarheidskriteria voldoen. Neem dan kennis dat jy die volgende ondersteuningsdokumente benodig om jou aansoek te voltooi:
- gesertifiseerde kopie van ID (student en ouers/wettige voogde)
- sertifisering en verifikasie van liggaamlike gestremdheid, indien jy ’n student is wat met ’n gestremdheid leef
- bewys van COID-pensioenarisstatus van ouer/voog, indien jy die afhanklike van ’n COID-pensioenaris of die afhanklike van ’n noodlottig beseerde werker is
- bewys van inkomste van jou ouers/wettige voogde
Om aansoek te doen, moet jy die aansoekvorm voltooi en dit saam met jou ondersteuningsdokumente oplaai.
Aansoeke sluit op 31 Maart.. Laat aansoeke sal nie oorweeg word nie.
SA Staatsbefondsing
Fasset – SETA
Fasset werk saam met openbare verskaffers van universiteite en universiteite van tegnologie wat by DHOO geregistreer is om te verseker dat leerders ten volle vergoed word om formele kwalifikasies te verwerf wat uiteindelik hul kanse sal verbeter om leerlingskappe, internskappe, of voltydse werk in die breër ekonomie te verkry, insluitend in die Fasset sektor.
Keuringskriteria en geskiktheid (vir werklose leerders)
- Slegs Suid-Afrikaanse burgers kom in aanmerking om aansoek te doen
- 'n Leerder moet van die huis af wees waar die gesamentlike huishoudelike inkomste nie R1 000 000 per jaar (R83 333 per maand) oorskry nie
- Leerders moet geregistreer wees of aanvaar gewees het by 'n openbare universiteit, universiteit van tegnologie, of TVET-kollege
- Die gekose kwalifikasies moet binne die FAS-sektor wees, maar voorkeur sal gegee word aan IT-verwante kwalifikasies en ander nasionale kritieke vaardighede
Wat dek die beurs?
Die beursbefondsing sal beperk word tot R100 000 vir universiteitsleerders. Dit dek slegs klasgelde, voorgeskrewe handboeke, verblyf en etetoelaes.
Vereiste ondersteuningsdokumente
Die volgende verpligte dokumente moet die aansoekvorm vergesel:
- Gesertifiseerde ID-afskrif van leerder (nie ouer as 6 maande met indiening nie)
- Gesertifiseerde ID-afskrifte van ouers/voogde (nie ouer as 6 maande met indiening nie)
- Gewaarmerkte afskrifte van hoogste kwalifikasies en akademiese rekord (nie ouer 6 maande met indiening nie)
- Leerders in graad 12 moet proefeksamenuitslae indien
- Bewys van huishoudelike inkomste (betaalstrokies van albei ouers of 'n voog – beëdigde verklarings word vereis in die afwesigheid van betaalstrokies)
- Bewys van registrasie of aanvaardingsbrief van die universiteit
- Bewys van verblyf
- FASSET-werkloosheidsverklaringsvorm (vir werklose aansoekers) (FASSET unemployed declaration form – net in Engels beskikbaar)
Selection will be on a first come first served basis. However, priority will be given to academic achievement.
Applications are online and close at 23:59 on 31 December 2024.
SA Staatsbefondsing
Funza Lushaka-beursskema (slegs BEd-studente)
Maak ’n verskil. Word ’n onderwyser.
Die Funza Lushaka-beursprogram – wat deur die SA regering se departement van basiese onderwys geadministreer word – is ’n meerjarige program ter bevordering van onderrig as ’n beroep. Om te kwalifiseer, moet voornemende studente – 30 jaar of jonger – aan die Universiteit aanvaar wees om ’n vierjarige Baccalaureusgraad in Opvoedkunde (BEd) of ’n nagraadse onderwyssertifikaat (NGOS) in die seniorfases en VOO te studeer. Die onderwyskwalifikasie moet egter aan die nasionale prioriteitsvakgebiede voldoen.
Wat is die nasionale prioriteitsvakgebiede?
- Grondslagfase (d.w.s. graad R – 3): Grondslagfaseneuro-ontwikkelingsbehoeftes (met ’n voorkeur vir Suid-Afrikaanse Inheemse Tale), Braille, SAGT.
- Intermediêre en Seniorfase (d.w.s. graad 4 – 9): Voorkeur sal gegee word aan ’n onderrighoofvak in twee van die volgende: tale, wiskunde, natuurwetenskap en tegnologie.
- VOO-fase (d.w.s. graad 10 – 12): Voorkeur sal gegee word aan ’n onderrighoofvak in twee van die volgende: rekeningkunde, landbouwetenskappe, landboutegnologie, siviele tegnologie, rekenaartoepassingstegnologie, elektriese tegnologie, ingenieursgrafika en -ontwerp, geografie , inligtingstegnologie, lewenswetenskappe, wiskunde, meganiese tegnologie, fisiese wetenskappe, tale, maritieme studies, kodering en robotika, tegniese wiskunde en tegniese wetenskap.
Wat dek die beurs?
Die Funza Lushaka-beurs dek die meeste van die ontvanger se noodsaaklike uitgawes. Uitgawes wat gedek word, kan die volgende insluit: klasgelde, verblyf insluitend maaltye, boeke en leermateriaal, en indien moontlik, ’n klein toelaag vir maandelikse lewenskoste. Die toekenning aan enige individuele student word tot ’n spesifieke waarde beperk.
Belangrike kennisgewing oor terugbetaling: Daar word van beursontvangers verwag om vir dieselfde hoeveelheid jare as wat hulle die beurs ontvang het by ’n openbare skool te onderrig. Geen terugbetaling word dus vereis nie.
Vir meer inligting oor die beursprogram, rolle en verantwoordelikhede, aansoeke en kiesbaarheid, keuring en geldsake, gaan asseblief die Gereelde vrae op die amptelike staatswebwerf na.
Hoe om aansoek te doen
Aansoek kan slegs aanlyn gedoen word.
Besoek die Funza Lushaka-webwerf vir meer inligting oor die kiesbaarheidskriteria en instruksies oor hoe om aansoek te doen. Daar is nege stappe wat jy moet volg om die toegang tot die e-gov-portaal te kry, daarop te registreer en dan aansoek te doen. Onthou asseblief om noukeurig deur die aansoeknotas te lees voordat jy aansoek doen.
Indien jy enige navrae het, stuur e-pos na inquiries.funzalushaka@dbe.gov.za of skakel die Departement van Basiese Onderwys by 012 357 3000.
Vir eerstekeer-aansoekers: Aansoeke open vroeg in Oktober en sluit vroeg in Februarie.
Vir heraansoeke (vir bestaande/terugkerende studente): Aansoeke sluit aan die einde van November.
SA Staatsbefondsing
MKO-SOOO/MQA-SETA
Die Mynboukwalifikasie-owerheid (MKO) is ’n sektorale onderwys- en opleidingsowerheid (SOOO) vir die mynbou- en mineralesektor ingevolge die Wet op Vaardigheidsontwikkeling, Wet 97 van 1988.
Die MQA nooi graad 12-leerders en huidige voorgraadse studente om aansoek om ’n MQA-beurs vir die komende akademiese jaar te doen. Die beurs dek klasgelde en toelaes vir verblyf, boeke en maaltye.
Kiesbaarheid
As jy ’n Suid-Afrikaanse burger is en een van die volgende programme aan ’n universiteit studeer, kom jy in aanmerking om aansoek te doen: analitiese chemie, chemiese ingenieurswese, elektriese ingenieurswese, elektro-meganiese ingenieurswese, omgewingsgesondheid en -bestuur, omgewingswetenskap, geologie, bedryfsingenieurswese , juweliersware-ontwerp en -vervaardiging, meganiese ingenieurswese, metallurgiese ingenieurswese, mynopmeetkunde, mynbou-ingenieurswese, beroepsgesondheid en -veiligheid, beroepshigiëne, beroepsgeneeskunde, operasionele bestuur of gehaltebestuur.
Voorkeur sal gegee word aan die volgende aspekte by die keuring van kandidate:
- aansoekers wat as histories benadeelde individue geklassifiseer is
- finansieel behoeftige aansoekers, met ’n bruto huishoudelike inkomste van hoogstens R600 000 per jaar (R50 000 per maand)
- vroulike aansoekers
- aansoekers wat in landelike gemeenskappe woon
- aansoekers wat aansoek gedoen het om by hulle plaaslike tersiêre instellings te studeer
- goeie akademiese prestasie
Aansoekvorm
Jy kan meer inligting asook skakels na ’n aansoekgids en die aansoekvorm hier kry (sien #4 in aansoekvorm).
Aansoeke heropen op 25 September en sluit 8 Oktober 2024. Laat aansoeke sal nie oorweeg word nie.
SA Staatsbefondsing
NSFAS
Die Nasionale Finansiële Hulpskema vir Studente (NSFAS) is ’n beurs vir ’n student wat uit ’n huis kom waar die bruto huishoudelike inkomste nie meer as R350 000 per jaar (R29 167 per maand) is nie. Vir ’n student met ’n gestremdheid moet die bruto huishoudelike inkomste nie meer as R600 000 per jaar (R50 000 per maand) wees nie. Vir studente wat voor 2018 begin studeer het, moet die bruto huishoudelike inkomste minder as R122 000 per jaar (R10 167 per maand) wees.
Slegs Suid-Afrikaanse burgers en alle ontvangers van ’n SASSA-toelaag kwalifiseer vir befondsing. Jy kwalifiseer nie indien jy ’n vorige kwalifikasie voltooi het, of reeds aansoek gedoen het, gekwalifiseer het en befondsing ontvang het nie. Befondsing is vir die duur van jou studieprogram, mits jy jou modules slaag en aan die akademiese vereistes voldoen.
Wat dek die beurs?
Die befondsing dek registrasiekoste, klasgelde en leermateriaal, verblyf (beperk en waar die koste vir privaat verblyf nie die koste vir ’n plek in ’n universiteitskoshuis mag oorskry nie) of vervoer, ’n lewenskostetoelaag, ’n toelaag vir die koste van persoonlike sorg (vir studente in koshuise met spyseniering). Die waarde van die toekenning word jaarliks in ooreenstemming met die jongste goedgekeurde riglyne van die Departement van Hoër Onderwys (DHOO) hersien.
Neem asseblief kennis dat NSFAS nie meer ’n volkostebeurs is nie. Voornemende en huidige studente word aangemoedig om ook jaarliks aansoek om US-befondsing te doen sodat hulle vir aanvullende befondsing (vir koste wat nie deur NSFAS-toelaes gedek word nie) oorweeg kan word. Verwys asseblief na die afdeling oor die Universiteit Stellenbosch Befondsingsgeleenthede (SUFO) Aansoekproses -oortjie vir meer besonderhede.
Watter ondersteuningsdokumente benodig jy?
NSFAS vereis persoonlike inligting van agentskappe met betrekking tot die indiensnemingstatus en vlak van inkomste van die ouers of voogde/gade van die aansoeker.
- NSFAS-verklaringsvorm [declaration form] word deur die skoolhoof of die maatskaplike werker voltooi. (Slegs nie-SASSA)
- Die Wees- en kwesbare kind-verklaringsvorm [orphan and vulnerable child declaration form](vir aansoekers onder 18 jaar) word deur die maatskaplike werker voltooi. (Slegs nie-SASSA)
- Die NSFAS-toestemmingsvorm [consent form] word voltooi deur aansoeker en/of ouer/s, voog of gade. SASSA-ontvangers benodig nie hierdie vorm nie. (Slegs nie-SASSA)
- Indien 'n aansoeker aangedui het dat hulle 'n wettige voog het, moet hulle bewys lewer van voogdyskap uitgereik deur die hof
- Voogdyskap (nie deur die hof aangestel nie) aansoeker om NSFAS-verklaringsvorm [declaration form] te verskaf
- • Gestremdheidbylaagvorm: Die vorm moet ingevul word deur ’n gesertifiseerde, behoorlik geregistreerde mediese dokter of ’n ander toepaslik gekwalifiseerde professionele persoon (soos ’n oogkundige, fisioterapeut of hoof van die gestremdheidseenheid) wat die student se status as gestremd kan bevestig en die soort ondersteuning wat die student benodig asook hoe die student by die voorgestelde ondersteuning sal baat, kan spesifiseer
Hoe om aansoek te doen
- Besoek die NSFAS-webwerf.
- Skep jou eie myNSFAS-profiel (via die oortjie regs bo op die webblad).
- Voltooi al die vereiste inligting.
- Dien jou aansoek in.
Vir enige navrae, skakel tolvry 0800 0 67 3 27 of e-pos info@nsfas.org.za.
Aansoeke open laat-September en sluit 15 Desember 2024.
SA Staatsbefondsing
Ander staatsopsies
Sekere staatsdepartementbefondsing vereis dat daar aan unieke kiesbaarheidskriteria voldoen word, soos dat die student byvoorbeeld van ’n spesifieke area/provinsie afkomstig moet wees.
Nie-US-befondsing
AllBursaries
Die AllBursaries-webwerf bevat ’n lys van al die nuutste beurse wat tans in Suid-Afrika beskikbaar is. Jy kan die befondsingsopsies volgens onderwerp/industrie en volgens sluitingsdatum sorteer. Só kan jy seker maak dat jy jou aansoek betyds indien. Die webwerf bevat ook gedetailleerde inligting oor die NSFAS-aansoekproses en ander befondsingsgeleenthede.
Nie-US-befondsing
Bloemhof Beursfonds Trust (IT734/2001)
Neem asseblief kennis dat hierdie beurs slegs vir Afrikaanssprekende en Afrikaanshuistaal aansoekers is.
Die Bloemhof Beursfonds Trust se doelstellings is om aan jong mense studiebeurse en toekennings vir studie, navorsing en onderrig toe te ken om hul drome en ideale te verwesenlik, ten einde ’n positiewe bydrae in die breër Suid-Afrikaanse samelewing te maak.
Riglyne en aanlynaansoekvorm vir voornemende en reeds ingeskrewe Universiteit Stellenbosch-studente is op die webblad https://bloemhofbeurstrust.co.za beskikbaar.
Geskiktheidsvoorwaardes
- Slegs voorgraadse studies met die uitsondering van LL.B. studente en Nagraadse Diploma in Hoër Onderwys.
- Gesamentlike ouerinkomste van tussen R350 000 en R900 000 per jaar.
Aansoeke sluit 10 Oktober 2024. (Suksesvolle aansoekers sal teen 30 November in kennis gestel word)
Nie-US-befondsing
Bursaries South Africa
Bursaries South Africa se webwerf bevat omvattende inligting oor beurse vir studente wat hulle tersiêre studies wil begin of verder voortsit en wat ’n sterk akademiese rekord het, maar nie oor die nodige finansiële middele beskik nie.
’n Goeie beginpunt is om na die beurse onder Sluit binnekort te kyk of om volgens die sluitingsdatum en relevante fakulteit te soek. Die webwerf bevat ook nuttige wenke en raad soos hoe om ’n beursmotiveringsbrief te skryf en wenke om ’n beursaansoek in te dien.
Nie-US-befondsing
FEENIX-skarefinansiering
Feenix is ’n aanlyn fondsinsamelingsplatform wat in Junie 2017 gestig is in reaksie op die #FeesMustFall-beweging wat in 2015 en 2016 oor universiteitskampusse in Suid-Afrika versprei het.
Feenix, waarvan Standard Bank ’n stigtersvennoot is, voorsien studente van die gereedskap om hulle fondsinsamelingspogings te formaliseer en voorsien befondsers van ’n kanaal om studente op te spoor wat hulle wil ondersteun.
Is Feenix vir jou? As jy ja antwoord op al ses vrae hieronder, kom jy in aanmerking om vandag jou fondsinsamelingsreis te begin:
- Is jy 'n SA burger, permanente verblyf, vlugteling of asielsoeker?
- Is jy by 'n openbare Suid-Afrikaanse universiteit geregistreer?
- Het jy huidige of historiese skuld aan jou universiteit?
- Is jou gesamentlike huishoudelike inkomste minder as R600 000 per jaar?
- Het jy 'n gesertifiseerde afskrif van jou identiteitsdokument?
- Het jy ’n amptelike fooistaat – nie ouer as 30 dae nie en op die universiteit se briefhoof?
Besoek die feenix-webwerf vir meer inligting en om aan te sluit.
Nie-US-befondsing
GoStudy
'n Aanlyn hulpbron vir beursgeleenthede in Suid-Afrika sowel as binne Afrika. Jy kan blaai volgens organisasie, studieveld of tipe.
Die webwerf bied ook loopbaan- en studieleiding vir leerders.
Nie-US-befondsing
ISFAP
Die Ikusasa-finansiëlehulpprogram (ISFAP) is oop vir Suid-Afrikaanse burgers wat in in die komende akademiese jaar vir die eerste keer vir ’n graad gaan studeer en wat uit 'n huis kom met 'n bruto huishoudelike inkomste (voor belasting en aftrekkings) is minder as R600 000 per jaar (R50 000 per maand).
Aansoekers moet voorlopig by die Universiteit Stellenbosch aanvaar word in 'n ISFAP-gesteunde graadprogram. Dit sluit sekere programme binne die fakulteite Ekonomiese en Bestuurswetenskappe, en Ingenieurswese, asook BSc Voedselwetenskap, MBChB en BDatSci in. Vir die volledige lys van kwalifiserende programme, besoek asseblief die ISFAP-webwerf.
Sodra jy jou aansoekproses begin het, gaan asseblief gereeld jou e-posse na vir aansoekstatusopdaterings.
Indien jy enige navrae het, stuur e-pos na info@isfap.org.za; skakel 010 880 0400; of WhatsApp-nommer 072 817 4072.
Aansoeke sluit 31 Oktober 2024.
Nie-US-befondsing
Moshal-program
Die Moshal-program is meer as 'n beurs vir hoër onderwys – dit help jou om op universiteit sukses te behaal en jou loopbaan te begin.
Moshal bied finansiële ondersteuning, en het ook 'n span professionele persone wat toegewyd is om studente deur die daaglikse lewe van die universiteit te lei, en om uiteindelik waardevolle werk in hul gekose studierigtings te vind.
Grade befonds Rekeningkunde; Aktuariële Wetenskap; Handel; Rekenaarwetenskap; Datawetenskap; Ingenieurswese; Inligtingstegnologie; Medisyne; Wiskunde; Apteek; Statistiek.
Basiese toelatingsvereistes Huishoudelike inkomste van tot R200 000 per jaar (voor aftrekkings) en 70% minimum vir Engels, Wiskunde, Fisika/Rekeningkunde.
Om te sien of jy aan die Moshal-kriteria voldoen – en om aansoek te doen – gaan na www.moshalprogram.org.za.
Aansoeke is oop vir 2025.
Kontak ons
Enige navraag rakende beurs of befondsing moet eers aan die Studentefinansies Kliëntediens (021 808 3530) gerig word
Wanneer gevra word, kies 1 vir Engels; 2 vir Afrikaanse bystand. Jy kan ook ‘n e-pos stuur na info@sun.ac.za, óf ʼn persoonlike vergadering versoek. Ons konsultante is gereed om jou te help.
Weens die groot hoeveelheid e-posse wat die SVBL ontvang, moet alle e-poskorrespondensie ’n US-studentenommer (#), ’n beursnaam/-verwysing en ’n kort beskrywing in die onderwerpreël bevat, byvoorbeeld, # / Beurs – toelae betaling navraag. Dit sal sorg dat ons jou navraag vinnig en doeltreffend kan beantwoord. Laat asseblief 48 uur toe vir ‘n antwoord.
US Dienstoonbank-portaal navraagkaartjie
Jy kan ook 'n navraag op die US Dienstoonbank-portaal aanteken – dit is gebruikersvriendelik en ontwerp vir maklike toegang tot inligting om 'n vinnige reaksie op jou navraag te verseker.
Hoe om 'n navraagkaartjie aan te teken
- Klik op hierdie Studentefinansies Dienstoonbank-skakel of tik SU Service Desk in jou blaaier. (Let wel die dienstoonbank-portaal is net in Engels beskikbaar.)
- Meld aan met jou US-rekening (as jy reeds 'n US-profiel het). As jy nie 'n US-profiel of aktiewe rekening het nie, skep 'n nuwe rekening (profiel) met 'n geldige e-posadres en wagwoord.
- Kies Student Finances op die dienstoonbankportaal.
- Kies Undergraduate Bursaries.
- Kies die toepaslike navraagtipe en vul die vereiste inligting in wat verband hou met jou navraag. Onthou om jou US# in die opsommingsveld in te sluit.
- Kies Create om die voltooide vorm in te dien.
Jou kaartjie is nou by Studentefinansies aangeteken.
Vir enige navraag en tegniese- of dokumentkwessies tydens die voltooiing van jou 2025 US Befondsingsgeleenthede-aansoek
Skakel asseblief Studentefinansies Kliëntediens op 021 808 3530 of e-pos info@sun.ac.za – stuur asseblief ‘n skermkiekie of ’n gedetailleerde beskrywing van die probleem per e-pos – vir bystand. Onthou om jou US-studentenommer (#) in hierdie onderwerpreël in te sluit: # / SUFO25 aansoek navraag. Laat asseblief 48 uur toe vir ‘n antwoord.
Stellenboschkampus
Fisiese adres
Admin A-gebou, Ryneveldstraat, Stellenbosch 7600
Kantoorure
Maandag tot Vrydag 08:00-16:30
+27 21 808 9111 (US Kliëntedienssentrum)
info@sun.ac.za
Tygerbergkampus
Fisiese adres
Kliniese Gebou, Francie van Zijl-rylaan, Tygerberg 7505
Kantoorure
Maandag tot Vrydag 08:00-16:30
+27 21 808 9111 (US Kliëntedienssentrum)
+27 21 938 9129 (SVBL kantoor)
tygbursaries@sun.ac.za
Sentrum vir Voorgraadse Beurse & Lenings (SVBL)
+27 21 808 3530 (Studentefinansies Klientediens)
sunfinaid@sun.ac.za
Alle NSFAS- en FUNZA-beursbystand aan die US, insluitend NSFAS-befondsde studente aan die FGGW
nsfas@sun.ac.za
Slegs 2024 Funza Lushaka aansoeke, modules, en plasingsnavrae, kontak Mev Jeannie Saffier