Welkom | Wamkelekile | Welcome
Universiteit Stellenbosch Sentrum vir Voorgraadse Beurse en Lenings
Die Sentrum vir Voorgraadse Beurse en Lenings (SVBL) vorm deel van die Afdeling Finansies aan die Universiteit Stellenbosch (US). Ons span professionele finansiëlehulppraktisyns ondersteun voornemende en huidige voorgraadse studente wat om finansiële hulp wil aansoek doen deur beurse op ’n volhoubare wyse toe te staan en te administreer.
Elke student aan die US is persoonlik verantwoordelik daarvoor om finansiële voorsiening vir die vereffening van hulle Studentegelderekening te maak. Daar is verskillende maniere om te sorg dat jou universiteitsopleiding by jou huishoudelike begroting pas: jy kan jou graadprogram deur ’n beurs, akademiese meriete of sporttoekenning, en/of ’n banklening befonds. Ons webwerf kan jou help om hierdie opsies te verken.
Benodig jy Finansiele Bystand*?
e-aansoeke vir 2024 heropen slegs
2 January – 31 March 2024
Alle huidige en voornemende studente kan aansoek doen. Gaan asseblief die Aansoekproses-oortjie na vir gedetailleerde inligting oor geskiktheidskriteria, die vereiste ondersteuningsdokumente, en instruksies oor hoe om aansoek te doen.
*US-befondsing is meestal gedeeltelike koste-toekennings en sluit US- eksterne skenkerbeurse en gesinsbeurse in
*Die US het beperkte fondse beskikbaar; ’n Aansoek om befondsing is nie ’n waarborg dat ʼn beurs of befondsing toegestaan sal word nie
Die Universiteit Stellenbosch glo dat elke student wat die potensiaal het om akademiese te slaag, sover prakties moontlik die toepaslike geleenthede gebied moet word. Die Sentrum vir Voorgraadse Beurse en Lenings (SVBL) streef dus daarna om soveel as moontlik ondersteuning te bied aan studente wat toelating tot die Universiteit kry, maar nie oor die finansiële middele beskik om te studeer nie.
Neem asseblief kennis dat die US beperkte fondse beskikbaar het; aansoek om finansiële bystand is nie ‘n waarbog dat ‘n student beursfondsing sal ontvang nie. Studente word aangemoedig om nie net na die Universiteit te kyk vir finansiële ondersteuning nie, maar om ook ander eksterne (privaat; staats) befondsingsopsies te ondersoek.
Beurs
Kyk watter soort beurse is beskikbaar
Banklening
Sien watter soort studentebanklenings is beskikbaar
Hoe om Aansoek te doen
Aansoekdatums, -proses, en -vorms
Visie en missie
Die Sentrum vir Voorgraadse Beurse en Lenings (SVBL) vorm deel van die Afdeling Finansies aan die Universiteit Stellenbosch (US). Die Sentrum se primêre funksie is om beurse volgens ooreengekome kriteria toe te ken en te bestuur.
Vir enige tegniese kwessies tydens die voltooiing van jou 2024 US Befondsingsgeleenthede-aansoek
Stuur asseblief ‘n skermkiekie of ’n gedetailleerde beskrywing van die probleem per e-pos na sufunding@studenthero.co.za.
Vir enige algemene- of dokumentkwessies tydens die voltooiing van jou 2024 US Befondsingsgeleenthede-aansoek
Skakel asseblief 021 808 9111 of e-pos info@sun.ac.za vir bystand.
Stellenboschkampus
Fisiese adres
Admin A-gebou, Ryneveldstraat, Stellenbosch 7600
Kantoorure
Maandag tot Vrydag 08:00-16:30
+27 21 808 9111
info@sun.ac.za
Tygerbergkampus
Fisiese adres
Kliniese Gebou, Francie van Zijl-rylaan, Tygerberg 7505
Kantoorure
Maandag tot Vrydag 08:00-16:30
+27 21 938 9129 / 21 808 9111
tygbursaries@sun.ac.za
Sentrum vir Voorgraadse Beurse en Lenings (SVBL)
sunfinaid@sun.ac.za
Alle NSFAS- en FUNZA-beursbystand aan die US, insluitend NSFAS-befondsde studente aan die FGGW
nsfas@sun.ac.za
Slegs 2024 Funza Lushaka aansoeke, modules, en plasingsnavrae, kontak Mev Jeannie Saffier
leendert@sun.ac.za
E-pos korrespondensie
Weens die groot hoeveelheid e-posse wat die SVBL ontvang, moet alle e-poskorrespondensie ’n US-studentenommer, ’n beursnaam/-verwysing en ’n kort beskrywing in die onderwerpreël bevat, byvoorbeeld, ‘12345678 / NSFAS – toelae betaling navraag’. Dit sal sorg dat ons jou navraag vinnig en doeltreffend kan beantwoord.