Alle voornemende* en huidige studente wat Suid-Afrikaanse burgers is, of wat permanente verblyfstatus het, kan aansoek doen vir befondsing deur die Universiteit.

Studente wat uit ’n huis met ’n bruto huishoudelike inkomste (HHI) van minder as R350 000 per jaar (R29 167 per maand) kom, of studente wat met ’n gestremdheid leef en uit ’n huishouding met ’n bruto HHI van nie meer nie as R600 000 per jaar (R50 000 per maand) kom, word aangeraai om aansoek om die Nasionale Finansiële Hulpskema vir Studente (NSFAS) se staatsbefondsde beurs te doen. Hierdie beurs is beskikbaar vir Suid-Afrikaanse burgers, permanente inwoners, en almal wat ’n SASSA-toelaag ontvang. Doen aanlyn aansoek via die NSFAS-webwerf by www.nsfas.org.za.

Studente wat ’n NSFAS-beurs ontvang word aangemoedig om ook om US-befondsing aansoek te doen indien hulle om enige rede nie meer deur NSFAS gefinansier word nie: die student word op die SVBL-databasis geregistreer en kwalifiseer ook dan om vir aanvullings- of tekortbefondsing deur die Universiteit oorweeg te word.

BELANGRIKE KENNISGEWING Die Universiteit het beperkte fondse beskikbaar. ’n Aansoek om befondsing is nie ’n waarborg dat befondsing toegestaan sal word nie.

*Die student het ’n voorwaardelike of ʼn finale aanbod van die Universiteit Stellenbosch (US) ontvang en die student het ’n unieke 8-syfer-US-studentenommer

Die Beursjaarboek kan jy ’n lys van beurse en fondse vind wat deur die US bestuur word, asook beurse en fondse wat deur privaat maatskappye, trusts en die staat aangebied word. Hierdie beurse en fondse word volgens fakulteit gegroepeer, maar ons stel voor dat jy ongeag jou studieprogram al die inskrywings in Afdeling 1 (studiebeurse vir die meeste van die fakulteite) en Afdeling 3 (Fakulteit Natuurwetenskappe) nagaan. Enige beurs wat oor meer as een fakulteit aangebied word, kom moontlik slegs onder die Fakulteit Natuurwetenskappe voor. Neem asseblief kennis van die verskillende sluitingsdatums en aansoekprosesse.

Alle inskrywings wat Aansoeke: SUFO sê, beteken dat jy aansoek via die US-Befondsingsgeleenthede- (SUFO-) webwerf moet doen. Die SVBL-beursbeamptes kies en/of nomineer kandidate volgens hierdie beursspesifieke kiesbaarheidskriteria en/of onder befondserbeursvoorwaardes en -instruksies.

Die proses vind aanlyn plaas. Geen aansoeke wat per e-pos gestuur word, sal aanvaar of oorweeg word nie.

Neem asseblief kennis daarvan dat die aansoekwebwerf geen van die inligting wat jy voorsien stoor totdat jy die punt bereik waar jy jou ondersteuningsdokumente (afdeling 8) moet oplaaimoet oplaai nie. As jy kies om die aansoekvorm te verlaat voordat jy hierdie punt bereik het (dws, voordat jy afdeling 7 voltooi), sal jy van voor af moet begin.

Om hierdie rede is dit die beste om jou aansoek op een slag te voltooi – en ons beveel aan jy doen dit lank voor die sluitingsdatum. En gaan asseblief gereeld jou e-posse na – en moenie vergeet om jou gemorspos ook na te gaan nie – vir enige aansoek opdaterings.

BELANGRIKE KENNISGEWING Jy sal die opsie hê om aansoek te doen om US-Befondsingsgeleenthede oop (slegs in Engels beskikbaar) of ’n Eksterne Studentelening. Die studentelening word behartig deur ’n eksterne maatskappy, Student Hero, en word nie deur die Universiteit Stellenbosch bestuur of geadministreer nie.

Ons beveel aan dat jy al die nodige ondersteuningsdokumentasie (insluitend gesertifiseerde afskrifte waar nodig) gereed het om op te laai voordat jy met die aanlyn aansoek begin. Dit sal jou tyd bespaar wanneer jy aanlyn is. Stoor jou voorbereide dokumente in ’n duidelik benoemde, for example, SUFO application.

Neem asseblief kennis van die volgende inligting en ondersteuningsdokumente wat jy benodig om ’n befondsingsaansoek te voltooi:

 

DIE STUDENT volle naam, selfoonnommer, e-posadres, ID-nommer, US-studentenommer gesertifiseerde afskrif van ID sertifikaat/getuigskrif vanaf skool wat leierskap of sportprestasie bevestig, indien van toepassing CV (een bladsy lank) bewys van gestremdheid, indien van toepassing	DIE STUDENT SE GADE volle naam, selfoonnommer, e-posadres, ID-nommer afskrif van ID afskrif van doodsertifikaat, indien van toepassing
	GESINSINLIGTING bewys van registrasie of aanvaardingsbrief vir elke broer of suster wat in 2024 op universiteit gaan wees, indien van toepassing
DIE STUDENT SE EERSTE OUER of WETTIGE VOOG/VOOG volle naam, selfoonnommer, e-posadres, ID-nommer afskrif van ID bewys van voogdyskap, indien van toepassing (hierdie kan ’n brief van ’n maatskaplike werker of ’n beëdigde verklaring wees) bewys van inkomste* die bladsy van die egskeidingskikking wat aandui dat die persoon geskei is en hoeveel huweliksondersteuning betaal word, indien van toepassing onderhoudsooreenkoms wat die bedrag bevestig wat maandeliks ontvang word, indien van toepassing bewys van staatstoelaag, indien van toepassing bewys van maandelikse pensioen, indien van toepassing doodsertifikaat, indien van toepassing	DIE STUDENT SE EERSTE OUER of WETTIGE VOOG/VOOG volle naam, selfoonnommer, e-posadres, ID-nommer afskrif van ID bewys van voogdyskap, indien van toepassing (hierdie kan ’n brief van ’n maatskaplike werker of ’n beëdigde verklaring wees) bewys van inkomste* die bladsy van die egskeidingskikking wat aandui dat die persoon geskei is en hoeveel huweliksondersteuning betaal word, indien van toepassing onderhoudsooreenkoms wat die bedrag bevestig wat maandeliks ontvang word, indien van toepassing bewys van staatstoelaag, indien van toepassing bewys van maandelikse pensioen, indien van toepassing doodsertifikaat, indien van toepassing
plus die VORM SUFO INSTEMMING wat deur al die partye onderteken is

_formele indiensnemin jongste salarisstrokie (nie ouer as 3 maande nie) of ITA34
_informele indiensneming beëdigde verklaring wat die maandelikse inkomste en die bron van die inkomste aantoon (bv. groenteverkoper, huishulp, vryskutwerker)
_in eie diens bankstate wat maandelikse inkomste duidelik aantoon (nie ouer as 3 maande nie) of ITA34
_werkloos beëdigde verklaring (wat die datum aantoon sedert die persoon werkloos is) of afleggingsbrief of WVF-strokie

Daar is tien eksterne skenkerbeurse onder Soorte Befondsing > US- eksterne skenkerbefondsing gelys. Gaan asseblief die kiesbaarheidskriteria na, en let op die volgende belangrike punte slegs as jy aansoek om enige van hierdie beurse gaan doen:

• Laai die unieke aansoekvorm af en voltooi dit. Let daarop dat daar verskillended vorms vir huidige (CUG) en voornemende (PUG) studente is.
• Berei enige bykomende ondersteuningsdokumentasie voor – verwys na die tabel hieronder.
• Jy sal tydens die aanlyn aansoekproses gevra word om hierdie dokumentasie op te laai.

Daar word 11 gesinsbeurse in die Beursjaarboek gelys. Gaan asseblief die kiesbaarheidskriteria na, en let op die volgende belangrike punte slegs as jy aansoek om enige van hierdie beurse gaan doen:

• Die student moet bewys van afkoms (stamboom). Moet asseblief nie aansoek doen as jy nie hierdie bewys van afkoms kan lewer nie.
• Laai die Family Bursary aansoekvorm af en voltooi dit. As jy ʼn huidige student is, laai dan FORM FAMILY BURSARY-CUG af; voornemende student moet VORM FAMILY BURSARY-PUG gebruik.
• Jy sal tydens die aanlyn aansoekproses gevra word om hierdie dokumentasie op te laai.

NAAM VAN GESINSBEURS	FAMILY BURSARY AANSOEKVORM & ONDERSTEUNINGSDOKUMENTE (wat deel van die aansoek vorm)
Anna Juliana THERON	FORM FAMILY BURSARY-CUG of FORM FAMILY BURSARY-PUG Bewys van verwantskap
AW SCHUMANN slegs FISIKA- en/of Wiskundestudente	FORM FAMILY BURSARY-CUG of FORM FAMILY BURSARY-PUG Afstammelinge van AW Schumann geniet voorkeur waar alles gelyk is
Ds DH NEETHLING slegs Teologiestudente	FORM FAMILY BURSARY-CUG of FORM FAMILY BURSARY-PUG Afstammelinge van die eerw DH Neethling
Elizabeth MARAIS	FORM FAMILY BURSARY-CUG of FORM FAMILY BURSARY-PUG Direkte afstammelinge van Abraham Barend de Villiers en Theophile Antonia de Villiers (gebore Van der Lingen)
Elizabeth VILJOEN trust	FORM FAMILY BURSARY-CUG of FORM FAMILY BURSARY-PUG Afstammelinge en aangenome kinders van broers en susters van wyle mej Elizabeth Viljoen
Frans & Rykie THERON-studiefonds slegs Teologie- en Landboustudente	FORM FAMILY BURSARY-CUG of FORM FAMILY BURSARY-PUG Stamboom wat bewys dat jy ’n afstammeling van Theron, Marais of Zeeman is
Fritz & Anna MOSTERT	FORM FAMILY BURSARY-CUG of FORM FAMILY BURSARY-PUG Studente wat aan skole in die landdrosdistrikte Hopefield, Malmesbury, Moorreesburg, Piketberg, Porterville, Velddrift, en Vredenburg gematrikuleer het
Johan & Willie SPIES	FORM FAMILY BURSARY-CUG of FORM FAMILY BURSARY-PUG Stamboom wat bewys dat jy ’n afstammeling van E Wood en Dr CJ de Kock is; verwys na verdere bepalings
JP SWART	FORM FAMILY BURSARY-CUG of FORM FAMILY BURSARY-PUG Stamboom wat bewys dat jy ’n inwoner van die noordelike voorstede van Kaapstad is
Petrusa VAN ZIJL	FORM FAMILY BURSARY-CUG of FORM FAMILY BURSARY-PUG Stamboom wat bewys dat jy ’n afstammeling van een van die ses Petrusa-susters van die skender, wyle mev Petrusa Groenewald (gebore Van Zijl) is
Prof JH NEETHLING	FORM FAMILY BURSARY-CUG of FORM FAMILY BURSARY-PUG Studente met voorkeur aan direkte afstammelinge van wyle prof JH Neethling se vader, Hendrik Johannes Neethling Let daarop dat studente wat nie afstammelinge is nie, ook aansoek kan doen

Die instruksies op die aanlyn aansoekvorm is maklik om te volg en neem jou stap vir stap deur die proses.

POPIA Voordat studente met die aansoek kan voortgaan, moet hulle instem tot die POPI-wet (vir persoonlike inligting) en dat alle dokumentasie (bewys van inkomste, ID, sertifikate, bankstate, ens.) deur ’n eksterne diensverskaffer geverifieer mag word.

Ondersteuningsdokumente Maak asseblief dubbel seker dat jy die korrekte dokumentasie oplaai wanneer jy daarvoor gevra word.

Die aansoekvorm neem ongeveer 15 minute om te voltooi.

Nadat jy jou aansoek ingedien het, sal jy ’n outomatiese e-pos ontvang wat bevestig dat jou aansoek ontvang is.

Alle kommunikasie word na jou studente-e-posadres gestuur, so onthou asseblief om hierdie e-posse – jou gemorspos ingesluit – gereeld na te gaan.

Huidige studente (CUG) sal teen einde-Januarie per e-pos in kennis gestel word; voornemende students teen einde-Februarie. Studente wat spesifiek aansoek om US- eksterne skenkerbeurse of gesinsbeurse doen, uikoms e-posse sal teen einde-Mei gestuur word.

Hierdie kommunikasie word net na die student se e-posadres gestuur.

Indien jy enige tegniese probleme ervaar terwyl jy besig is om die aansoek te voltooi, stuur asseblief ’n skermkiekie of ’n gedetailleerde beskrywing van die probleem per e-pos na info@sun.ac.za . Sluit asseblief ook jou US-studentenommer (#) in hierdie onderwerpreël aan te dui: # / SUFO tegniese probleem.

Tegniese probleme verwys na dinge soos: jy kan nie ondersteuningsdokumente oplaai nie; die kliekknoppie werk nie; jy kan nie weer aanmeld om jou aansoek te voltooi nie; enige foutboodskap wat jy tydens die aanlyn aansoekproses ontvang.

Vir hulp met probleme oor befondsing in die algemeen of tipes dokumente, skakel asseblief US Kliëntediens by 021 808 3530 of stuur ’n e-pos na info@sun.ac.za – en onthou om jou US-studentenommer (#) in die onderwerpreël aan te dui: # / SUFO navraag.

Kantoorure Maandag tot Vrydag, 08:30-16:00

Kom ons gaan gou weer deur die hoofpunte voordat jy na die aanlynvorm gaan:

1. Jy het die inligting in elkeen van die afdelings hierbo gelees om seker te maak dat jy die korrekte en akkurate inligting voorsien.
2. Elkeen van jou ondersteuningsdokumente se name bevat jou US# as ’n voorvoegsel, en is as ’n PDF in ’n duidelik benoemde vouer gestoor (SUFO aansoek).
3. Jy het ten minste 15 minute in jou dagboek om die aansoekvorm te voltooi.
4. Maak asseblief seker dat jy die korrekte befondsingsopsie op die aansoekvorm kies: US Befondsingsgeleenthede.
   (Die opsie om vir ’n Eksterne Studentelening aansoek te doen, word nie deur die US bestuur nie en jy sal na ’n eksterne webwerf geneem word.)

Die sluitingsdatum vir huidige studente is middernag, Maandag 30 September 2024.

Die sluitingsdatum vir voornemende studente sal middernag, Donderdag 31 Oktober 2024 wees.

Geen aansoeke wat per e-pos of laat gestuur word, sal aanvaar of oorweeg word nie.