c) Voortreflikheidstoekenning

Die Voortreflikheidstoekenning word per fakulteit toegewys aan die top 1 tot 5% geregistreerde eerstejaarstudente wat vir die eerste keer ingeskryf het.

Die waarde van die toekenning beloop R25 000 en dit is ’n eenmalige toekenning aan die Studentegelderekening.

d) Toegangstoekenning

Die Toegangstoekenning word toegewys aan alle geregistreerde eerstejaarstudente wat ’n skool in kwintiel 1 tot 4 (soos geklassifiseer deur die Departement van Basiese Onderwys) bygewoon het en die Nasionale Senior Sertifikaat (NSS) geslaag het en ’n gemiddeld van meer as 80% in graad 12 behaal het. Die waarde van die toekenning is op ’n glyskaal gegrond en dit is ’n eenmalige toekenning aan die Studentegelderekening:

• ’n gemiddeld van meer as 80% maar minder as 85%: R5 000
• ’n gemiddeld van meer as 85% maar minder as 90%: R7 500
• ’n gemiddeld van meer as 90%: R10 000

Belangrike nota Die gemiddeld wat gebruik word in die toewysing van Voortreflikheids- en Toegangstoekennings is gegrond op die berekening soos uiteengesit in die Universiteit se toelatingsbeleid.

Ontvangers van die Voortreflikheids- of Toegangstoekenning sal korrespondensie van die US ontvang nadat die eksamenraad se uitslae bekend gemaak is en fakulteitregistrasies afgehandel is.

ʼn Senior Merietetoekenning word toegeken aan die top 5% van senior studentepresteerders per fakulteit op voorwaarde dat ʼn kandidaat ʼn geweegde total van minstens 75% in hul vorige akademiese jaar behaal.

Die Senior Merietetoekenning word bereken as ʼn persentasie van klasgelde, module- en programkoste uitgesluit. Na registrasie en sodra uitslae bekend gemaak is, word die toekenning programmaties bereken. Die berekende bedrag word dan outomaties na die ontvanger se Studentegeldrekening oorgeplaas. Kwalifiserende studente ontvang ʼn korting* (afslag) van tot 20% op hul basiese studiegeld.

Neem asseblief kennis dat die persentasie toppresteerders per fakulteit aangepas kan word onderhewig aan die beskikbare begroting vir US-beurse.

*Die korting sluit module- en/of programkoste uit en dit dek nie ander uitgawes soos handboeke, verblyf, maaltye, en vervoer nie.

Ontvangers van die Senior Merietetoekenning sal korrespondensie van die US ontvang nadat fakulteitregistrasies afgehandel is.

• ’n Voortreflikheidstoekenning of ’n Toegangstoekenning kan nie saam met ’n Visekanselierstoekenning of ’n Presteerdertoekenning toegeken word nie. ’n Student wat ’n Voortreflikheidstoekenning ontvang, kan egter ook ’n Toegangstoekenning ontvang en andersom.
• Die toekenning sal eers die Studentegelderekening vereffen. Indien ’n toekenning vir uitnemendheid ’n kredietsaldo aan die einde van ’n akademiese jaar veroorsaak, kan die krediet oorgedra word na die volgende akademiese jaar waarvoor die student registreer.

  Daarbenewens, slegs met betrekking tot die Visekanseliertoekenning, die Presteerdertoekenning en Senior Merietetoekenning, kan enige beskikbare krediet na vereffening van die Studentegelderekening vir toelaaguitbetalings aangewend word – soos verblyf, maaltye, handboeke en vervoer in verband met die student se omstandighede en verblyfsreëlings – of aan die student oorbetaal word.
  Daarbenewens, slegs met betrekking tot die Voortreflikheidstoekenning en die Toegangstoekenning, kan enige beskikbare krediet na vereffening van die Studentegelderekening vir toelaaguitbetalings aangewend word – soos verblyf, maaltye, handboeke en vervoer in verband met die student se omstandighede en verblyfsreëlings.

• Alle voorgraadse toekennings vir uitnemendheid en die Senior Merietetoekenning kan saam met ander beurse of beurskombinasies toegeken word, onderhewig aan die beursgewer of befondser se voorwaardes.
• Die Universiteit behou die reg om ’n toekenning te kanselleer sou daar bepaal word dat ’n student enige van die inligting verdraai het wat as kriteria gebruik word om vir ’n voorgraadse toekenning vir uitnemendheid te kwalifiseer.

Wanneer word gelde uitbetaal?

’n Voorgraadse toekenning vir uitnemendheid of Senior Merietetoekenning sal nie later nie as die Juniestaat op jou Studentegelderekening weergegee word.

Die terugbetalingsproses

Geen kontantterugbetalings sal uitbetaal word nie Die US Jaarboekdeel enigste uitsondering op gelde wat uitbetaal word, is as jou rekening reeds ten volle vereffen is voor ontvangs van die UGEA of SMA en daar ’n krediet op die rekening is. Stuur asseblief in hierdie geval ’n e-pos aan die SVBL om die bankvorm aan te vra en om bewys te voorsien dat jou ouer/wettige voog die rekening betaal het. Die korting sal daarna as ’n krediet op jou Studentegelderekening weergegee word en gelde sal vanaf Augustus uitbetaal word.