Beursadvertensies

Nie-US befondsingsgeleenthede vir 2025. Maak asseblief seker dat jy al die vereiste dokumentasie indien en ons beveel aan dat jy ook lank voor die sperdatum aansoek doen. Vir enige navrae, aansoekopdaterings, en uitkomskommunikasie kontak asseblief die beurshouer/befondser of soos op die skakels aangedui.

Kontak ons

Enige navraag rakende beurs of befondsing moet eers aan die Studentefinansies Kliëntediens (021 808 3530) gerig word

Wanneer gevra word, kies 1 vir Engels; 2 vir Afrikaanse bystand. Jy kan ook ‘n e-pos stuur na info@sun.ac.za, óf ʼn persoonlike vergadering versoek. Ons konsultante is gereed om jou te help.

Weens die groot hoeveelheid e-posse wat die SVBL ontvang, moet alle e-poskorrespondensie ’n US-studentenommer (#), ’n beursnaam/-verwysing en ’n kort beskrywing in die onderwerpreël bevat, byvoorbeeld, # / Beurs – toelae betaling navraag. Dit sal sorg dat ons jou navraag vinnig en doeltreffend kan beantwoord. Laat asseblief 48 uur toe vir ‘n antwoord.

US Dienstoonbank-portaal navraagkaartjie

Jy kan ook 'n navraag op die US Dienstoonbank-portaal aanteken – dit is gebruikersvriendelik en ontwerp vir maklike toegang tot inligting om 'n vinnige reaksie op jou navraag te verseker.

Hoe om 'n navraagkaartjie aan te teken

1. Klik op hierdie Studentefinansies Dienstoonbank-skakel of tik SU Service Desk in jou blaaier. (Let wel die dienstoonbank-portaal is net in Engels beskikbaar.)
2. Meld aan met jou US-rekening (as jy reeds 'n US-profiel het). As jy nie 'n US-profiel of aktiewe rekening het nie, skep 'n nuwe rekening (profiel) met 'n geldige e-posadres en wagwoord.
3. Kies Student Finances op die dienstoonbankportaal.
4. Kies Undergraduate Bursaries.
5. Kies die toepaslike navraagtipe en vul die vereiste inligting in wat verband hou met jou navraag. Onthou om jou US# in die opsommingsveld in te sluit.
6. Kies Create om die voltooide vorm in te dien.

Jou kaartjie is nou by Studentefinansies aangeteken.

Vir enige navraag en tegniese- of dokumentkwessies tydens die voltooiing van jou 2025 US Befondsingsgeleenthede-aansoek

Skakel asseblief Studentefinansies Kliëntediens op 021 808 3530 of e-pos info@sun.ac.za  – stuur asseblief ‘n skermkiekie of ’n gedetailleerde beskrywing van die probleem per e-pos – vir bystand. Onthou om jou US-studentenommer (#) in hierdie onderwerpreël in te sluit: # / SUFO25 aansoek navraag. Laat asseblief 48 uur toe vir ‘n antwoord.

Sentrum vir Voorgraadse Beurse & Lenings (SVBL)

Alle NSFAS- en FUNZA-beursbystand aan die US, insluitend NSFAS-befondsde studente aan die FGGW

Slegs 2024 Funza Lushaka aansoeke, modules, en plasingsnavrae, kontak Mev Jeannie Saffier